 Startseite » Liedertexte » Dat Wasser
CD: Bläck Fööss, "Immer wigger", 1983 | Kaufen Musik:Bläck Fööss Künstler:Bläck Fööss Dat Wasser vun Kölle es jot Als unser Vatter do bovven de Welt jemaat, Do hät hä et schönste Fleckche Ääd he an d'r Rhing jelat. Dann nohm hä die Kölsche an de Hand un sat: Dat es jetz üch - et jelobte Land. He künnt ihr klüngele, bütze, singe un fiere, Ävver halt' mer all die Sache öm Joddeswelle en Ihre. Un maat och nit nur ei Deil dovun kapott, Denn ihr wißt, ich sin alles, Un dann nemm ich et üch widder fott. Oh leever Jott, jev uns Wasser, Denn janz Kölle hät Doosch. Oh leever Jott, jev uns Wasser Un helf uns en d'r Nuut. Ming Blome lossen alles hänge, (Wä hilf en d'r Nut?) D'r Wellensittich es wie jeck am schänge, (Dä Jung hät secher Woot) Uns Joldfesch han de Auge deck (Un sare keine Ton) De Wäschmaschin spillt total verröck, (Woröm hät d'r Minsch Calgon?) Ming Filme entwickel ich ovends em Rhing, Dat jeit janz jot, denn do es alles dren. Och wemmer av un zo d'r Dönnscheß han, Mer gläuven wigger dran. Dat Wasser vun Kölle es jot... Oh leever Jott, jev uns Wasser... Nierestein sin schwer am kumme, (Oh Herr, wat deit dat wieh) Och d'r Hoorusfall hät zojenomme, (Do hilf kei böschte mieh) Alle Wasserrühre sin total verstopp, (Die dröppen vür sich hin) Om Kaffee schwemp 'ne fiese Ölfilm drop, (Wie kütt dat Öl do renn?) Uns Feuerwehr, die es bestemmp nit schläch, Doch wenn se lösch, Jung, dann brennt et eets räch. Oh Herr, dun e Wunder, üvverläch et dir, Söns stommer morje vür dinger Dür. Dat Wasser vun Kölle es jot... Oh leever Jott, jev uns Wasser... |
